Díolaim Tascanna agus Eiseamláirithe
Tascanna CCEA, chomh maith le heiseamláirí d’obair daltaí sna scileanna Traschuraclaim Cumarsáid, Úsáid na Matamaitice agus Úsáid TFC, atá sa Díolaim Tascanna agus Eiseamláirithe.
Sa scoilbhliain 2024/25, ní mór do scoileanna leibhéil a chur isteach don Chumarsáid (Léitheoireacht) agus d’Úsáid na Matamaitice (Uimhreas/Uimhreas agus Ailgéabar) do dhaltaí Bhliain 4, 7 agus 10. Féach an áis Socruithe Eatramhacha don Mheasúnú Deireadh Eochairchéime 2024/25 fá choinne tuilleadh sonraí.
Is é a d’fhéadfadh bheith i gceist leis an eiseamláiriú:
- píosa oibre a ndearnadh measúnú air agus ar bronnadh leibhéal air;
- tráchtaireacht ina dtugtar comhthéacs an tsampla oibre agus an fhianaise don leibhéal a bronnadh; agus
- an ghníomhaíocht a rinne an dalta, más cuí sin.
Moltar do mhúinteoirí an Díolaim Tascanna agus Eiseamláirithe a úsáid ar na dóigheanna seo a leanas. Thig leo:
- tascanna a úsáid le daltaí le tacú le forbairt agus, más cuí, le measúnú na Scileanna Traschuraclaim;
- tascanna atá déanta ag daltaí agus samplaí d’obair daltaí a úsáid don chaighdeánú inmheánach sa scoil; agus
- samplaí d’obair daltaí a úsáid le dea-chleachtas a léiriú agus le gníomhaíochtaí piarmheasúnaithe a dhéanamh leis na daltaí.
Ní gá do mhúinteoirí logáil isteach sa Díolaim Tascanna, ach is gá dóibh logáil isteach sa Díolaim Eiseamláirithe le teacht ar obair daltaí.