10 gceacht tosaigh in Scratch, agus treoir don mhúinteoir, gníomhaíochtaí is samplaí códaithe san áireamh, le tacú le daltaí tús a chur leis an chódú.

Is ardán ríomhchláraithe bunaithe ar bhloic é Scratch.

San áis seo mínítear Scratch, léirítear an comhéadan, tugtar 10 gceacht tosaigh chomh maith leis an téarmaíocht. Tugtar seans do na daltaí dul i mbun oibre ag an leibhéal is bunúsaí agus tógáil air sin thar 10 gceacht. Déanann na treoracha na múinteoirí a chumasú le dul i mbun na hoibre leis na daltaí.

In achan cheacht, tá ar a laghad dhá chuspóir foghlama, coincheap nua ríomhchláraithe, agus gníomhaíocht/códú le tabhairt faoi le go dtig fiosrú breise a dhéanamh, agus, chomh maith leis sin, tá mír dhifreála ann le freastal ar dhaltaí a bhfuil riachtanais/luasanna éagsúla foghlama acu.

Is le caoinchead COGG atá an áis seo acu curtha in oiriúint ag CCEA d’EC3.