Suitable for Year 14 Irish students perhaps? Seminar: Jobs in the EU

Seimineár
2 Samhain
deiseanna fostaíochta in institiúidí an Aontais Eorpaigh

An bhfuil suim agat sna deiseanna fostaíochta atá ar fáil in institiúidí an Aontais Eorpaigh do dhaoine a bhfuil an Ghaeilge acu?

Beidh seimineár lae á eagrú ag an gCoimisiún Eorpach agus ag Rialtas na hÉireann Dé Céadaoin, an 2 Samhain, faoi scáth Oireachtas na Samhna 2022 chun daoine a chur ar an eolas faoi na deiseanna éagsúla atá ar fáil.

Féach an clár anseo.

Mar a fheicfidh tú, beidh seisiúin eolais á reáchtáil ar maidin againn le daoine ó na hinstitiúidí éagsúla faoin rogha gairmeacha atá ann do dhaoine a bhfuil an Ghaeilge acu agus faoi na folúntais atá agus a bheidh ar fáil. Beidh ionadaithe rialtais agus ollscoile in Éirinn ann chomh maith chun labhairt faoi na cúrsaí ollscoile atá ar fáil agus faoin gcaoi le hullmhú le cur isteach ar na folúntais éagsúla.

Beidh deis ann ansin freastal ar cheardlanna praiticiúla ar an láthair agus beidh deis eile ann trathnóna freastal ar cheardlanna praiticiúla ar líne. Seo seans triail a bhaint as an gcineál oibre a bhíonn idir lámha sna hinstitiúidí agus comhairle a fháil ó dhaoine atá fostaithe cheana féin sna poist seo.

Ní mór an fhoirm seo a líonadh le cur in iúl dúinn an mbeidh tú i láthair ar an lá agus cad iad na ceardlanna gur mhaith leat freastal orthu. Beidh líon teoranta spásanna ann agus mar sin tabharfar tús áite dóibh siúd is luaithe a chláróidh. Dúnfar an clárú ag 16:00 ar an 26 Deireadh Fómhair.