Dearadh na Puzail Oibríochtaí seo chun tacú le múinteoirí agus le daltaí puzail suimithe nó iolraithe a chumadh agus ansin iad a réiteach.

Is féidir leat d’uimhreacha féin a roghnú don phuzal nó thig leis an uirlis na huimhreacha a roghnú le puzal randamach a chruthú. Is féidir an puzal a dhéanamh níos mó nó níos lú trí líon na sraitheanna agus líon na gcolún a roghnú. Is féidir cuid den réiteach a thaispeáint i bpuzal fosta chun é a dhéanamh níos fusa nó níos deacra.