Bratacha agus Siombailí

Is féidir le bratacha agus siombailí réimse mothúchán a dhúiseacht. Braitheann an dóigh a mothaíonn muid fúthu agus an rud a chreideann muid fúthu ar:

• an dóigh a bhfeiceann muid an domhan;
• taithí phearsanta; agus
• an méid idirghníomhaíochta atá déanta againn le daoine ó chultúir eile.

Sula gcuirfear tús leis na gníomhartha sa rannóg seo, caithfidh na páistí a bheith ábalta fíric agus tuairim a idirdhealú. Caithfidh siad a thuiscint chomh maith nach ionann drochthaithí le daoine ó chúlra áirithe agus go n-iompróidh gach duine ón chúlra sin ar an dóigh chéanna.

Gheobhaidh tú gníomhaíochtaí a thacaíonn leis an tuiscint seo in Maireachtáil. Foghlaim. Le Chéile. Bliain 6, Aonad 6: Déan Cinnte de ar dTús!. Is féidir leat gníomhartha a fháil a chuideoidh le daltaí saincheisteanna féiniúlachta agus cad é mar a chruthaítear féiniúlacht a fhiosrú in Living. Maireachtáil. Foghlaim. Le Chéile. Bliain 5, Aonad 6: Ag Foghlaim Faoi Dhaoine Eile.

Bratacha

Úsáid an léarscáil idirghníomhach ar an suíomh Olympic.org na bratacha ar fad do na tíortha a bheidh páirteach sna Cluichí Oilimpeacha a thaispeáint do na páistí.

Iarr ar na páistí brat amháin amach as an 206 tír a bheidh páirteach sna Cluichí Oilimpeacha Rio 2016 a roghnú agus é a phriontáil nó a tharraingt iad féin.

Déan taispeántas balla do na bratacha ar fad atá cruthaithe ag na páistí.

B’fhéidir gur mhaith leat féin agus do rang brat a chruthú do Lá Spóirt na Scoile.

Iarr na páistí a machnamh a dhéanamh ar na bunéilimintí de bhratach a sheasfadh dá rang don imeacht scoile Oilimpeach/Parailimpeach atá pleanáilte. Ba chóir dóibh comhoibriú mar rang leis na bunéilimintí a shainaithint. Ansin, ina ngrúpaí, déanfaidh siad dearaí fóirsteanacha páipéir a dtiocfadh leo breithmheas a thabhairt orthu trí Vótáil Cnaipí.

Siombailí

Cuir tús le plé ar shiombailí trí cheist a chur faoi cad chuige a n-úsáidtear iad. Bí ag dúil le freagraí mar:

• rabhadh, mar shampla comhartha Cosc ar Iontráil;
• tacaíocht do chúis éigin a chur in iúil, mar shampla, ribín bándearg d'ailse chíche;
• giorrú ar theachtaireacht níos faide, mar shampla túslitreacha bunscoile fite fuaite le chéile;
• ar shuaitheantas scoile; nó
• Léiriú ar fhéiniúlacht aonair nó grúpa, mar shampla Banóglaigh/Casóga nó club CLG.

Ná déan dearmad gurbh fhéidir go dtabharfadh páistí samplaí eile a léiríonn an cúlra cultúrtha atá acu. Iarr ar gach dalta rud éigin ón oidhreacht s'acu a sheasann do ghné éigin dá fhéiniúlacht a thabhairt isteach leo. Iarr ar gach dalta a shiombail a mhíniú don rang; a seasann sé dó agus cad chuige a n-úsáidtear é. Gheobhaidh tú siombailí breise arbh fhéidir leat a úsáid in Primary Values (CCEA), lch. 199.

Siombailí Oilimpeacha agus Parailimpeacha

Cuir an rang ina ngrúpaí agus tabhair ceann de na siombailí nó lógónna atá ag na Cluichí Oilimpeacha agus Parailimpeacha do gach grúpa le fiosrú:

• na Fáinní Oilimpeacha;
• an siombail Pharailimpeach;
• an Lasair Oilimpeach agus Parailimpeach;
• Tóirse Oilimpeach Rio 2016;
• Sonóga Rio 2016; nó
• Lógó Lárionad Idirnáisiúnta an tSosa Chogaidh Oilimpigh.

Iarr ar na pásití an t-idirlíon a úsáid lena fháil amach cad é a seasann gach siombail nó sonóg dó agus cad é an dóigh. Iarr ar gach grúpa aiseolas a thabhairt ar an tsiombail a bhí acu. Gheobhaidh tú suíomhanna úsáideacha don taighde seo sa rannóg ‘Riachtanais’.

Tá cláir bheochana spraíúla ar na sonóga (flóra agus fána) do Rio 2016 ar an tsuíomh idirlín Rio2016 a bhainfeadh an rang sult as le deireadh a chur leis an ghníomhaíocht.

An Sos Cogaidh Oilimpeach

úsáid an suíomh idirlín www.olympictruce.org leis an sos cogaidh a mhíniú. Amharc ar an lógó atá ag Lárionad Idirnáisiúnta an tSosa Cogaidh Oilimpigh agus iarr ar na páistí cad chuige a shíleann siad ar roghnaíodh an lógó sin. Cad é mar a thaispeáin Jesse Owens agus Luz Long go raibh sos cogaid ann?